TOHI FAKAMATALA MA‘A´ETO‘UTUPU NGĀUE´

‘OKU KĀPUI NAI ‘E HE LAO´ NI ‘A E NGAAHI ‘APIAKO´, POLITEKI´ PEA MO E NGAAHI ‘UNIVĒSITI?

Ngaahi ako mo e ngaahi kautaha akongāue hangē nai ko e ngaahi ‘apiako´, politeki´ mo e ngaahi ‘univēsiti´ ko e ngaahi ngāue‘anga eni ma‘a´ e kau ngāue ‘oku nau ngāue ‘i ai´. Ko ia ai, ko kinautolu ‘oku ‘onautolu e ngāue´ (fakatātā. poate talāsiti´) pea mo e kau ngāue´ (fakatātā. kau faiako´) ke nau fakahoko ‘enau takitaha tefito‘i ngāue´ ke fakapapau‘i ‘e ‘ikai ke hoko ha ngaahi fakatamaki ki he fānauako´ ko e tupunga mei´ ha ngaahi polokalama ako.

‘OKU KĀPUI NAI AU LOLOTONGA ‘EKU ‘I HA FA‘AHINGA POLOKALAMA AKO NGĀUE?

Ko e Mo‘ui Lelei´ mo e Malu mo Hao´ ‘i he Lao Fakaengāue´ ‘oku fakakau atu ki ai kapau ‘oku ‘i ai ha taha ‘oku ‘ikai ko ha tokotaha ngāue totongi, kā ‘oku´ ne ‘i ha fale ngāue ‘i he ‘uhinga ko hano ako‘i lolotonga ‘ene ngāue´ pē ko ha‘ane ako ngāue.

FEFĒ NAI ‘A E NGĀUE KONGA-TAIMI´ MO E NGĀUE LOLOTONGA E TUTUKU ‘A E AKO?

Kapau ‘oku´ ke ngāue ‘i ha ngāue konga-taimi pe ngāue lolotonga e tutuku´, ‘oku kāpui koe tatau tofu pē mo e founga ‘oku kāpui ‘aki ha taha ngāue tu‘uma‘u. ‘Oku hoko eni tatau ai pē pe ko e hā e lahi ho‘o houa ngāue´ pe ko e hā e fuoloa ho‘o ngāue ai´.

FĒFĒ ‘A E NGAAHI NGĀUE HANGĒ KO E TAUHIFĀNAU, NGĀUE FAKAMA‘A, TAUHI NGOUE, FUFULU KĀ, VALI FALE?

Ko e ngaahi ngāue totongi kotoa pē ‘oku´ ke fai ma‘a ha taha ‘i honau ngaahi ‘api nofo‘anga´ ‘oku ‘ikai ke kāpui eni ‘e he Lao´. ‘Oku tatau ai pē eni pe ‘oku´ ke ‘ilo ‘a e tokotaha´ ni, pe ko e hā e lahi ho‘o houa ngāue´, pe na‘e anga fēfē ho‘o ma‘u ‘a e ngāue´ (fakatātā. ma‘u ‘i ha tu‘uaki ‘i he nusipepa´ pe Student Job Search ‘a ia ko e kumi ngāue ma‘a´ e fānauako´).

‘OKU LAVA NAI KE FAKAKAU MAI ‘A E LAO´ NI KAPAU KO HA‘AKU NGĀUE KI HA MĒMIPA ‘O HOKU FĀMILI´?

Kapau ‘oku totongi koe ki hono fai ‘o e ngāue´, pea ko e ngāue´ ‘oku ‘ikai ke fai eni ‘i he ‘api nofo‘anga ‘o e mēmipa ko eni ‘o ho fāmili´, ‘oku malava leva ke kau mai ‘a e Lao´. Kapau ‘oku´ ke ta‘epau‘ia ‘i ho‘o ngaahi totonu ‘i he ngāue‘anga, vakai ki he uepisaiti www.dol.govt.nz pe telefoni ki he Potungāue Leipa´ ‘i he telefoni 0800 20 90 20.

Ko e ngaahi fakamatala ko eni´ ko ha tataki pē pea ‘e ‘ikai tonu ki he tu‘unga kotoa pē. ‘E ‘ikai totonu ke ngāue‘aki ko hano fakafetongi ki ha ngaahi fale‘i fakalao pē ha toe fale‘i ‘a ha mataotao kehe.

ISBN 978-0-478-28171-2

‘Ilo ho‘o ngaahi totonu´!