KAPI TUATUA TIKATIKĀI NO TE AU MAPU ANGAANGA

KUA PARURU AINEI TEIA TURE I TE AU APII TUA-TAI E TE TUA-RUA, TE AU APII TUA-TORU MEI TE APII PŌRITEKINIKI (POLYTECHNICS) E TE AU APII IUNIVESITI (UNIVERSITIES)?

E au ngai angaanga te au apii e te au ngai tereni na te aronga e angaanga ra ki reira, mei te au apii tua-tai e te tua-rua, te au apii pōritekiniki, e te au apii iunivesiti. Ka anoano‘ia i reira te au pu ona angaanga (mei te au kopapa akaaere o te au apii (boards of trustees), e te au aronga angaanga (mei te au puapii), kia rave i te au tuanga te ka riro i te akatinamou i te turanga meitaki o te au tamariki apii, kia kore te kino e tupu kia ratou, ia ratou e rave ra i te au angaanga apii i reira.

KA PARURU‘IA AINEI AU IAKU E TERENI‘IA RA I TE TUATAU O TE AU POROKARAMU RAVE ANGAANGA?

Kua akataka te Ture o te Ora‘anga e te Turanga Meitaki o te Ngai Angaanga (Health and Safety in Employment Act) kia paruru‘ia tetai ua atu tangata kare aia i te tangata angaanga tinamou, e tei te ngai angaanga aia no te akakoro‘anga kia tereni‘ia-aia-i-te-angaanga, me kare ra, kia kite aia i te angaanga.

KA AKAPEEA TE ANGAANGA TĀTUATAU (PART-TIME WORK), E TE ANGAANGA I TE TUATAU OROTE?

Me e angaanga tātuatau taau, me kare ra, e angaanga i te tuatau orote, ka paruru katoa ia koe mei te tangata angaanga tinamou te tu. Ua atu e, eaa te roa i toou au ora angaanga, me kare ra, te roa i te tuatau o taau angaanga, ka paruru‘ia koe.

KA AKAPEEA TE AU ANGAANGA MEI TE TIAKI AKONO PEPE (BABYSITTING), TE ANGAANGA TĀMĀ (CLEANING), TE ANGAANGA VAERE AUA TIARE/KAI (GARDENING), TE TĀMĀ MOTOKA, TE PENI ARE?

Ko tetai ua atu angaanga taau ka rave i roto i te ngutuare o tetai tangata e ka tutaki‘ia koe, kare te reira i raro ake i te paruru‘anga a te Ture. Ua atu e kua kite koe i te reira tangata, e, e ia oou ora i te angaanga anga koe, me kare ra, te ravenga i rauka mai ei te reira ngai angaanga (mei teia te akara‘anga, me no roto i te nuti-pepa i kitea‘ia ai e koe te reira angaanga, me kare ra, no roto i te Kimikimi‘anga Angaanga a te Tamairki Apii (Student Job Search).

KA PARURU AINEI TE TURE IAKU ME KA ANGAANGA AU NA TETAI O TOKU KOPU-TANGATA?

Mei te mea e, ka tutaki‘ia koe no te rave‘anga i te angaanga, e kare i raveia te reira angaanga ki roto i te ngutuare o te reira mema o toou kopu-tangata, ka paruru‘ia koe e te Ture. Me kare koe i pāpu meitaki i tetai ua atu o toou au tika‘anga i te ngai angaanga, atoro‘ia atu te www.dol.govt.nz, me kare ra, kapiki‘ia atu te Tipatimani o te Angaanga ki runga i te numero 0800 20 90 20.

E tauturu akamarama ua teia au tuatua akakitekite, e penei, kare e tau meitaki no te au turanga angaanga katoatoa. Auraka e akariro i teia e, ko te oronga anga tuanga tauturu akamarama no te ture, me kare ra, no te au kite pakari tūkētūkē.

ISBN 978-0-478-28172-9

Kia marama meitaki koe i toou au tika‘anga!