PUKA MEKA KAIMAHI TAITAMARIKI

TE TURE MŌ TE HAUORA ME TE HAUMARU I TE WĀHI MAHI

• E pā ana ki ngā taitamariki te Ture mō te Hauora me te Haumaru i te Wāhi Mahi 1992 pērā i ngā kaimahi pakeke atu
• Ka kitea anō hei kaimahi ngā ākonga kei te whakaakona, kei te whakangungua ki te mahi rānei
• Nā te kaitukumahi te kawenga ki te whakarato i te wāhi mahi haumaru, me te whakangungutanga tōtika whai kaiwhakahaere, whai utauta; otirā me āta tiaki tonu ngā kaimahi kei te noho haumaru rātou
• Kei ngā kaimahi te motika ki te whai wāhi ki te whakapaitanga ake i te hauora me te haumaru.
• Kei ngā kaimahi te motika ki te whakakāhore i tētahi mahi e whara ai pea rātou

E NGĀ KAIMAHI! KI TE WHARA KOE I TE WĀHI MAHI, KŌREROTIA KI TĒTAHI ATU

• Ki te whara koe i te mahi, kōrerotia ki tō kaitukumahi, ki tō māngai haumaru rānei, ahakoa pēnei tonu koe ehara i te mea tino kino

NGĀ AUKATI PAKEKETANGA KI NGĀ MAHI MŌREAREA ME TE MAHI I TE PŌ

Kua meatia e te Ture mō te Hauora me te Haumaru i te Wāhi Mahi 1995 he aukati pakeketanga ki ngā mahi mōrearea. Mai i te 1 Paengawhāwhā 2009, ka pā hoki ēnei whakaritenga ki ngā taitamariki e mahi kirimana ana.

• Ko ngā taitamariki kāore anō i 15 tau te pakeke hore kau e āhei te mahi i ētahi wāhi, te whakamahi mīhini, te taraiwa waka, te hāpai pīkaunga taumaha, te mahi rānei i tētahi mahi e whara ai pea rātou
• Ko ngā taitamariki kāore anō i te16 tau te pakeke kāore e taea te whakamahi i waenganui i te 10 i te ahiahi me te 6 i te ata
• E kore ngā taitamariki kāore anō i 15 te pakeke e tuku ki ētahi wāhi mahi (hei kaititiro) ki te kāhore he kaimātakitaki pakeke i ngā wā katoa

NGĀ MOTIKA MAHI ITI RAWA KA WHAKAAETIA

• Arā anō ētahi atu ture pērā i te Ture mō ngā Hononga Whakawhiwhi Mahi 2000, te Ture mō te Utu Iti Rawa 1983, me te Ture mō ngā Hararei 2003 ka pā anō hoki ki ngā taitamariki
• Me whai whakaaetanga mahi ā-tuhi tonu ngā kaimahi
• Kia hanga pai tonu te kaitukumahi rāua ko te kaimahi tētahi ki tētahi, kia tika te mahi, kia māhorahora – huaina ai tēnei ko te mahi i runga i te “whakaaro pai”
• Kei ngā kaimahi te motika ki te whakauru ki te ūniana
• Kua whakaturetia te utu iti rawa mō ngā kaimahi 16 neke atu te pakeke
• Kua whakaturetia te whakamatuatanga iti rawa mō te hararei ā-tau, mō ngā hararei tūmatanui, mō te māuiuitanga hoki

Ki te ruarua koe mō ō motika i te mahi, haere ki www.dol.govt.nz, waea rānei ki te Tari Mahi 0800 20 90 20.

Hei aratohu noa ēnei pārongo, ā, tērā pea kāore e tika mō ngā āhuatanga mahi katoa. Kaua e whakamahia hei whakakapinga mō ngā tohutohu a te rōia, mō ngā tohutohu tautōhito rānei.

ISBN 978-0-478-28171-2

Kia mōhio ki ō motika!